پیدا کنید پرتقال فروش را؟!!! (۱) - ماهني زنگانلي

http://www.baybak.com/Baybak/?p=4122

اولسا بئله قیامت
قوی دانیشیم نهایت
بودلیلیک عالمی
هاممیا وئرمیش غمی
منده عذاب چکمیشم
چوخ ایضطیراب چکمیشم
گون گله گله بو یئره
دانیشاجاغام سیزلره….
بلی!! آللاه آدامی نئینه ییم ،نئینه مه ییمه سالماسین. او گون لرایش گونو گوندن دالییا گئدیردی.نم نئچه مین دولارلیق ایل لربویو آوروپا دا حلال چالیشما پاراسی ایله آلینان او بؤیوک لوک ده اوفیس ده، یالنیزایکی جوت بیر تک آدام بو آغیز دولدوران قورولوش دان گل گئت ائدیردی، اوداکی نه عرض ائیله ییم خیدمتینیزه: بیری نین ایلاماشاآللاه بیرسانتیم لی بویویلاهردن ائله ایزین سیزایش لرگؤروردو، دیلی نین ازونلوغونداندا کی نه دئییم آللاه گؤسترمه سین قیسالتدیقجا اؤز اؤزونه اوزاناردی، آدام باشینی ایچری شهرین او بؤیوک اسکی دووارلارینا گؤپسه مک ایستیردی. او بیریده کی آتابابالاریمیزی تانییان اسکی تانیش لاردان ایدی کی هئچ گؤزوم گؤتورمزدی بیله سین ، آمما نئینه مک آدام بیله میزی تانییردی، ایچ آلاتیمیزی بئله یاخشی بیلردی، ایسته مه سئیدیمده "ایچ آلات معللیمی" هله لیک دؤزوب ائله بونلارینان ایداره ائتمک مجبورییتینده ییک.البتته دئمیش اولوم کی یاخشی اولاغلان لارین بیری ده اوزاقدان اوزاغا هرزامان گوش به فرمانیدی اونواوزاق توتمالییدیق، بو حرکتیمیزه داهادا خئییرلی ایدی آخی، تشکیلات سیزجه قارقاسیزاولورمو؟؟!! اونو یوللادیق شهرین أن آدلی اونیوئرسیته لری نین بیرینده اوخوسون. دئمک اوزون واده لی پروقرام لاری میزین اولماسی گرکیردی. آخی نه اولورسا بیزیم ده بو محفیل ده نئچه سی نین اونیوئرسیته اوخوماسی ائله ده پیس اولمازدی!!اوفیس آلینا ندان بری هئچ اؤزوموزو بورداکی لارا گؤسترمه میش دیک. آللاه قویسا یدی تشکیلات آدلاندیردغیمیز محفیلیمیز وارایدی . منده اونون ، او بؤیوک لوک ده شهرده تمسیلچی سی ایدیم داهادا اؤنملی سی بو کی اوفیس باشقانی ایدیم، آزبیر شئی دئییل ها!! اوفیس باشقانی اولماق.گون لر سس سیز، سس سیزکئچیردی والیمیزده ن بیر ایش گلمیردی . رسما گونوموزاولموشدو ائودن، اوفیسه گئتمک،اوفیسدن ده ایدمان سالونلارینی دولاشماق.آ به ووجودوموزدا گؤستریشلی اولمالی ایدی آدیمیز کیمی قارداش!! آمما تأسسوف لراولسون کی عرض اندام ائتمه یه بئله زامان تاپمادیق ، هه، یادش بئخئیر نه گون لریمیز واریدی ها، اؤزوموزوک بترآت چاپدیراردیق بیزده . بوش وئرین خاطیره لریادیما دوشنده هر دن پئشمان اولورام … بو شهره گلمه ییمدن أن آزی اوردایکن اؤزومه آدیم، سانیم واریدی ، هفته ده بیرکره ده رادییویا ، ئلئویزیونا چیخاردیم آما ایندی نه ، هئی ، هئی بوش وئرک منجه. هاردا قالمیشدیق ؟ بلی ، ووجودوموزدان دانیشیردیق ، دئمک ایسته دییم بو کی ،ائله بیل بوشو بوشونا قارنیمیزی بو نئچه ایل ده ایچری وئرمیشدیق هئچ ایشیمیزه یارامادی .
ایچ آلاتیم، سرگی سی
ایشین بو سون درگی سی
ایندی دئییم سیزلره
نه لر گلدی بیزلره
آغام کی سیزاولاسیز، بو آرادا ایچ آلاتیمیزدان بیله نده ن دئییم کی، بو تای او تایدا آرخامیزجا وار یوخوموزوسرگی لمیشدی، یاواش یاواش داها صبریمی داشدیریردی.یوخ بئله یورومزدی ایش لربیر یاندان بو سس سیسزلیک غئیرتیمه توخونوردو بیر یاندان دا بورنومون اوجوندا بیتن بو قیل" ایچ آلات معللیم" ایش لری آرتیق کورلویوردو. سونوجدا بیر قرار وئرمه لییدیک .گئجه، گوندوز دوشونه دوشونه بو قاپ قارا ساچلاریم آغارماغا باشلایاجاق ایدی او دا تام یاشیمین بو گل گئت دؤنمینده . زامانی اؤلدورمده ن نه اولدوغوموزو گؤسترمه لییدیک. دوشوندوکجه درین لشیردی مئوضوع. نهایت بو بئیین چالیشدی وبیزده قراری وئردیک گئتدیییییی.ایندی دئییم قراردان اله گلن یاراردانبلی ، آغالار، خانیم لارحضورونوزا چاتدیرمالییام : ایش بئله گلدی کی بو گؤزل نئچه مین دولارلیق اوفیس دن مایا قویمالییدیق. اولمازدی کی هره بیر شئی دن مایا قویوردو، بیزیم بو یازیق گئجه گوندوز چالیشان یولداشیمیزدا بو بینادان مایا قویمالی ایدی دئمک. تازا اونادا خئیریمیز توخوناردی ، اونوندا آدی تاریخه گئچردی ، آ قراریدی هر شئی دن دئتایلی یازیلسین . جانیم سیزه دئسین کی،بیر گئجه "ایچ آلات معللیمین" اوفیس ده یاتدیغیندا اورانی اوتا وئرمک قراری کسیلدی.یوخ بابا قورخمایین، او کی قالدی اوفیسه، سیگورتادان ضررینی آلاردیق، ایش قالدی او بیری لرینه ، بیراوخلا ایکی نیشان ووراردیق . بو ایشی دوشمان لاربوینونا کی بیزدن اولمایالارین هامیسندان عیبارت دیلر، ییخماقلا هم مئدییا آلانلاریندا گونده مه چیخمیش اولاردیم ،هم ه کی بو آرادا أن اؤنملی سی "ایچ آلات معللیمین" الیندن قورتولموش اولوب اؤلوسوندن ده فایدالاناردیق.بئله لیکگئجه اوتا ووروب صاباح قالخیب،یاران قیامت اولدواوفیس ده قان توکولدودئیه ، دئیه مئدیالار قارشی سینا چیخارد یق.ائله لیک بیزیم ده بیر شهیدیمیزاولاردی، نه دن اولماسین کی قان وئرمک لازیم!!! سیزجه بو حرکتین خئیرینه دئییلدی می؟ نه قده رآرتیق قان وئرسئیدیک منجه او قده رده آرتیق گونده مه گلردیک. حرکتیمیز بوش بوشونا …. آدلانمامیش دی کی !! منلیک اولسایدی بوتون تنقیدچی لریمیزی وبیزله بیر آرایا گلمه ین لری بیر بیر اؤز الیمیزله قیریب سونرادا اونلاردان شهید آدی یلا فایدالاناردیق. هم اونلاردان قورتولموش اولاردیق کی بو گله جک دئولتیمیزین خئیرینه ایدی، هم ده کی سیاست ائله بودا، قارداش ، دئییل می؟؟خیلاصه بو کی قرارگئجه سی یئتتیشدی، بیزده یازدیغیمیز سئناریونو عملییاتا گئچیردیک. هئئئئی بابا، بیزیم یازیق بو محفیلین ایلک گوندن بری قده رسیز اولدوغو و هئچ اوزونون بیر دوغرو دوزگون گولمه مه سینی یاخشی بیلیردیم آمما بو قده رده شانس سیز اولدوغونو بیلیردیم، یازیق بالام!!!!! آللاه آدامین گؤزلیینده ن، اندامین دان!! گؤتوروب شانسینا آرتیرسین دئیرلر.اودا چکدیم اوفیسی نه تئز چیخدی قوخوسیبلی، دئمیش اولوم کی یئنه ده شانس سیزلیغا اوغرادیق. دئمک "ایچ آلات معللیمی" میز وار یوخویلا، آمما دور منیم ده واریوخومو چیله ک دانیندا جانی ایله برابر گؤتوروب آرادان قاچدی. منیم ده بیر باشیم اولدو ایکی الیم … نئینه ییم ، نئینه مییم طرف هر شئی میزی بیلیردی.
سانجی دوشدو قارنیما
یئتیشین فریادیما
ایکی الیم بیر باشیم
پیشیبدی منیم آشیم
بو آرادادا بیزه قالان ، بیر سانتیم بویلو هئچ ایشه یارامایان "دیل اوزونوموزون" یارالی باش گؤزو اولدو. بلی دوسلار آدام گتیرمه ینده گتیرمزدا. ائله بیل بیزیم ده محفیلین بختی گتیرمه میش، بلکه ده بختی نی دوشمانلار ، باغلامیشلار.
اوفیسی ده اوتلادیق
بو گون لری آتلادیق
اوزاتماییم سؤزلری
دولدو دوسلار گؤزلری
اورک ده قالدی یارام
ایندی لیک، بیر ماجرام
گلن سؤزلره قده ر
واختی وئرمه یین هده ر