بوش وئرین اونلاری ،… پیدا کنید پرتقال فروش را!!!!! (۲) - ماهني زنگانلي

http://www.baybak.com/Baybak/?p=4231

یئتیشدی یئنه واخدی
سؤزلر بئینیمدن آخدی
بئله یالان ساتانی
آرامیزی قاتانی
اویادارام یاتانی
گؤستررم باتانی!!!
دئمک یئنه ده اوز اوزه گلدیک و بیر آیری یادش بئخیرین، زامانی یئتیشدی.هاردا قالمیشدیق؟، هه، هه، اوفیس اولاییندا، منیم ایکی الیم بیر باشیم دا قالمیشدیق.دئمیش اولوم آغالاریمزا کی سیزاولاسیز، اولای بیتدی ،خالق اونودوردو آمما بو آللاه آلمیش " ایچ آلات معللیم" ائله بیل بیتیرمک ایسته میردی ، بیلینمه ینلری ده بیلدیریلمه یه چالیشیردی پیچاق وورسایدین قانیم چیخمازدی.آ بو نه ایش گوج یا، شهریمیزدن آیاغیمی ائشییه قویاندان بئله خوش گون گؤرمه دیم.- آمما اؤزوموزوک، یاواش دئییم اؤزگه لرائشیتمه سین ده، اینانمادیغیم خوش گونلری یاشامیمدا هیجرتی باشلایاندان سونرا گؤردوم، ائله اونا گؤره ده بوموقددس یولا آیاغ باسدیم، پئیغمبرافندیمیز دئمیشکن زور گلدییی یئرده هیجرتی باشلاماق گره ک، هیجرت ده پارا وار، آد وار ، سان وار، داها نه وار، داها نه وار؟؟ قالانین دئمک اسکی بسیجی قارداش لاریمیزیاخشی بیلرلر!!!!!. نه دئییم اسکی حالیمدن، نه اولسادا منیم حالیم اؤزگه نین دئییل کی ،شهریمیزده اولارکن ساده بابانین بیری ایدیم، کیمسه حالیمیزی بئله سورموردو، کیمسه یانیمیزا گلمه یه بئله رغبت ائتمیردی ها،آمما نانکور اولمامالی چیخاندان سونرا رنگی روفوم اؤزومه گلدی ،آداملار ایچینه چیخدیم. گئت گئده اؤزومه گلیردیم،ووجودوم بئله فورما دوشموشد. دئمک بو کولک شهری نین سویودا ، کوله ییده، آداملاری دا دوشموشدو بیلمیزه. نییه کی دوشمه سین !!! بابا هرآدامین ایشی دئییل ها!!!! فرش یوماق دان، فرش ساتماغا یئتیشمک.
فرش یویاردیق بیر زامان
گؤتوردوک قاچدیق آمان
آدین قویدوق آزادلیق
بودا بیر نوع آبادلیق
هه، سؤزدن آیریلمایاق "ایچ آلات معللیم" ده ایدیک بو آدامین آدی بئله منه بازار اولموب ها ، اورییمین یاراسینا دوزسپمه ییم، واز گئچک. هله بوندان قورتولمامیش ، بیر باشقاسی بؤوه کیمی باشیمیزا هوپپولدو. آللاه آدامی شئیطان شرریندن ساخلاسین،آمیییییییین یارب… اللر، اللر یوخاری هامی بیرلیکده ،…بو سیرتیغین اوزوندن " بیلیم لی" بییمیزین اؤزوده یوخ واه واه او حیات یولداشیندان بیر اوفیس اوستونده نه لر ائشیتدیم نه لر!!! جییریم هله ده خاطیرلایاندا پارچالانیر. چوخ بئله آداملارلا آرام یاخشی ایدی؟، بو اوفیسین اولایی دا بترلتدی . آ بیری یوخ دییه بالا، سیز هارا سیاست هارا. سیز خیدمت ائتمک ایستیرسیز آرتیق چالیشین مانی وئرین ، تکیلاتا بو لازیم . یانی، سیز منه قاتیلمیرسیز؟ ؟سیاستین ده اؤز آدامی وار. دوغروسون ایستیرسیز ائله باشیما گلن لراونلارین اوزوندن ایدی ، هامییا قوجاق آچیردیلار. سانکی حسن سوخدو دییرمانی ایدی. حرکت دئمیش لر،سیاست دئمیش لر،بؤیوک دئمیش لر، بیلن دئمیش لر،بوش وئربابا ،دئدیکجه سینیرله نیرم. باشیمیزا گلن لر دئییرم یئنه ده بونلار اوزوندن اولدو ائله. ایل لر پرتقال ساتدی پوللاری چؤله آتدیسانکی سیاست بیلیر هر کیمی یولدان ائلیربلی، عرض ائدیردیم محضری با سعادتیزه کی یاغیش دان قورتولوب دولویا راست گلمیشدیک. آمما اؤز آرامیزدی ائله ده دولو دییردی، خئییرلی بیر اوشاغا بنزیریدی ، بو "ایچ آلات" واریا تام اؤزونه گؤره بیر دئپرم ، آلاه گؤسترمه سین کافیرادا. اده، نم نییه سؤزون اوجو تئز تئز الیمدن چیخیر. سیز منی اؤز بؤیوک لویوزله باغیشلایین، خاطیرلادیقجا بئینیمده ترافیک اولوردا او اوزدن دی، سالاخ زاد دییرم واللاه.هه، قاییداق اصلی مطلبه، بو باشیمیزا قونان "کپنک" کیمی بلای آسمانی دن دئییردیم. بو کپنک بییمیزی ده بیر تقدیم ائدیم سونرا مندن اینجیمسین کی آیریمجیلیق ائتدین نه اولسادا گؤز گؤزه ساتاشار دئیرلربیر گون…"کپنک" بییمیزده اوردا ایش لری کورلویوب ساللانا ساللانا بیر بئله یولو یازیق مین آرزی یلا گلمیشدی کی اودا هیجرتی باشلاسین ، هر ایش ده بیر خئییر وار دئمیش لر، دئییل می؟بیزیم ده باشیمیز بلالی ها!!!، نه نه سیندن کوسن بیزه گلیردی.بئنوا بالام دوروب گلمه یه هانسی سئناریو لاری کی اوینمامیشدی، نئجه پارا چالماسیندان بیر دئسم ها یازیغین باشینا گلن لری آنلارسیز، منیم بئله اؤرییم پارچالاندی، اوندا قالا سیزه !!!!!! آمما هله لیک او منه قالسین، بیر گون بلکه اونودا آچیقلادیم ، یوزده یوز سؤز وئریرم.!!!هیله قارداش، "کپنک" بییمیزلاپ دیین او تازا شهره گلن یازیق ال آیاغ سیز اوشاقلارا بنزییردی. مانیاغین تکی ایدی. آمما بیزده عاییب ائدیریک ها، یازیق اوشاغی دانناق آلتیدا ازدیک، یئتر منجه، ذاتاآللاه وورموشدو بو بنده خاطی نی.یاخشی تقدیم ائتدیم،هه؟؟ اومارام، امارام.هله گلین واز گئچمییک چالدیغی پارالاردان. دورون!!! قاباقدان گلنلیک مردلر ایشی دئییل ها، یازیغا شرر زاد یاخمایین یئتریجه " ایشیق معللیم " و " …یار بیییمیز" شرری یاخمیشدیلار حئیوان بالایا ، نئیله سه ده تشکیلات اوغروندا چالیشیب قاقاسی… . تشکیلات پاراسیز پول سوز اولور مو؟یوخ اصلا!!!دونیا گؤرن لر دئسینلر بو حیاتین رسمی دئییل می دده؟؟؟!!! بو رنگ لر دونیاسیندا یاشاماق هره نی بیر رنگه بویایب. نه اولورهامی آغ، ماوی،یاشیل دی بیزده قارا اولاق دئدیک. آخی چئشیدلی رنگ لرین اولماسی گره ک منجه بو تام دئموکراسی یه اویغوندور ، دئییل می ؟؟ نه اولسا بیزده اؤز نوبه میزده دئموکراسی یه چالیشیریق دا، تعریف لر نه قده رده فرقلی اولسا عاینی دی. گلین ائله ایندی دن دئموکراسی یه اویاق ، بو "کپنک " بییمیز مانیاق اولسا بئله اوریینی سیندیرمامالی، آیریمجیلیق ائتمه مه لی ، ایندیدن بئله مشقی باشلاساق صاباح بیر شئی اولاریق اؤزوموزه، کیشی توپوردویون یالاماز دئمیشلر دئموکراسی دئدیک بیتدی نه دئسک او….بیز ده کی کیشی ییک.کیشی کیمی ده، حرکت یولوندا سویماغا گلسه بئله ، سویاجاییق دئمیشدیک .جانیم سیزه دئسین کی : بو کپنک معللیم بیرینی سویموش، بیزده….، فارس لار دئمیشکن ، ( دست بالای دست بسیار است) آمما ایری اوتوروب دوز دانیشاق، ائله یان گئدیریک گلیریک بو یازیق فارس لارا بتدیریک ، أن آزی بیزیم چؤرک آغاجیمیز اولوبلارکی،او بیری لری بیلمیرم .هن دا او سؤز…..!!!! پارا قوپارتماق بو بییمیزدن حضرت فیل ایشی ایدی دئمک، آمما بیر حضرت فیل گؤستریم کی تاریخ اونوتماسین بئله…بلی دئمک بیزده باشلادیق اؤز سئنارییوموزو اویناماغا، مادامسا دیل ایله بو بییمیز یولا گلمیر بیز اونلا یولا چیخاریق دئدیک. آنلاشما دییه بیر شئی وار سؤز قونوسو. بو یولداهر شئیی بوله جییک دئمیشدیک ائله دئییل می؟؟؟
تورلاری حاضیرلادیق
یئرلری باییر لادیق
هله ،بو ایشین ایکی یولو وار، یا وئرجک ایدی،یا وئرجک ایدی. منی تانیمیردیلار، عیناد آتینا مینسه یدیم نه نه، باجی ، دده، طایفا زاد تانیمازدیم هامیسی نی قاتیب قاتیشدیراردیم بیر شئی چیخاردی دا سونوجدا. ایش بئله گئتمزایدی باشیمین چاره سینی قیلمالی ایدیم.هه،هه دورون، عاغلیما گلدی ، ائله ده سو آپارمازدی بو خمیر.به ایندی کی، دیل ایله یولا گلمیر، بیز یولا چیخاریق اونلا، نه اولار،هر جورلومحفیلیمیزه خیدمتیمیز توخونمالیدی. هر ایشین بیریولو وار دئمیش لر ، هر دردین بیر درمانی .دوشوندوک وتاپدیق، هر شهرین حساب سورانی،سورغولایانی،گؤزلویه نی،گودوکچوسو وار ،آ به قارداش. گرچک دن ده گئت گئده اوزمانلاشیرام ائله بیل ها!!!!
قاییتمالی بو یورد ا
قویونو وئریرم قوردا
بلی دئمک اونلاردا چؤرک چیخارتمالی، بو آرادا خئیریمیز توخونسون دئدیک .که شکه کیمسه ایله پایلاشماسایدیق دا آما نئیله مک آتا بابالار دئمیشکن چوخ یئمک لیک آز یئمک لیک دن سالار آدامی بو نادا قانع ایک.هله بو سفرلیک پایلاشاق گلن سفر داهادا اوزمانلاشاریق.
آدامی تورا سالدیق
هر نه وارینی آلدیق
پارالارین قوپاردیق
بیز قدیم دن چاپاردیق
وئردیک بادا آدامی
گلسین آلسین قادامی
ماجرالار بیر به بیر
بئینیمی نئجه دلیر
بکله ییردیز بیر داها
بودا ایکینجی ماجرا
اوچونجوسون بکله
یین دفتریزه اکله یین .
آچیکالاما:دونیا دا بیر چوخ ا ینسان پرتاغال ساتماق لا چوریین قازانمیش، قازانیر و قازاناجاق. لوطفا دیرلی پرتاغال ساتمیش لار، ساتانلار و ساتاجاقلار مندن اینجیمسین لر