هله دئیین گؤرک، تاپدینیز می پرتقال فروش را؟؟؟!!!! (۳) - ماهني زنگانلي

http://www.baybak.com/Baybak/?p=4272

بیر باتمانام یئنمره م
مئنبریم ده ن ائنمره م
آغام منه دور دئییب
گل گئدنه وور دئییب
اسکی ده ن دئیرلر بوینووا میندیرنین ائندیرمه سی چتین اولار ، لاپ اولوب بیزیم دوروم ها قارداش!!هله اونوتمادان ، آی بالا دئمیشدیم ها بو یئکه دانیشماغی ترکید الیوه ایش وئرر، آمما سنده ده هر نه وار بیر سؤز دینله مک ده ن سوبای!!!! یادیمدایکن دنیزده چیمه نین ناغیلینی آننادیردین ، او نه ایدی چیمه بیلمیرمیش کاسا- کاسا سو بوشالدیرمیش باشینا گؤرن دئسین بو دا اؤزوب ها!!…. اونو دئییرم. به بالا بورایا کیمی دئدین آمما هئچ دئمدین کی چیمه – چیمه سووا گئدن لر ده وارمیش!!!!بالام تجروبه لی لرین دئدیینه گؤره ۱- هانکی یئرده چیمدیینی یاخشی بیل تهلوکه لی اولا بیلر!! ۲- اوزمه بیلمه ینلرله اوزمه یه چیخما سنی ده اوزمه ده ن قویارلار!! اوزن ده ن سونرا گونش آل، بیلیرسن دا بو گون لر برونزه اولماق مد دور ، بعضن غافیله ده ن اوزاق دوشمه مه لی ،( ماغازین سئون لرین بیلگی سینه)!! آی دور، سن دئمه ده ن من دئییم ده گئریسی قالماسین داداش ، بیلیرم ایسلام دونیاسی خطره دوشر ، بیلیرم، لاپ دا یاخشی بیلیرم کی قارداش لاریمیز خوشلانمازلار، دییه جک لربیزه یاراشماز بئله ایش لر،آمما نئیله مک کی دونیادان دالی قالمامالی . بیزه ده مانکن لازیم ، نه ایمیز او بیر ی لردن آزدی کی !!! مادامسا هر شئی گیزلیده وار، بیز دئدیک داها اوزه چیخاراق میللت ده فایدالانسین نه اولور پاخیل دئییل کی، بیلیرم سنده راضی لاشارسان سونوج دا منده ن بو نورمال ، آدام اؤزونه یئتیشنده گؤزل شئی لری پیس ده اولسالار سئچر!! اؤزوموزوک دا آللاه ریضاسی ده اولورمو گؤزل اؤلکه میز مانکن سیز اولسون؟؟!!او نه دئیرلر: کورلارساغیرلار بیر بیرینی آغیرلارهن ، بو دا اوچونجو گؤزلیم. آمما دؤردونجو، آللاه نه ایدی دؤردونجو؟؟، نه ایسه بوش وئرها یازیق اوشاغی آلمیشام قاباغیما بیر باشدان ساییرام ، بیلمه دی آغزیندان بیر سؤز قاچیرتدی ، گوزشت بؤیوک دن اولارمیش دئرلر، اولسون، سوچ اوندا دئییل بؤیوگونده !!!
بو ایش هارا سن هارا
میللته ووردون یارا
شانتاژ بیراخماق ایشین
توتوب بیراخمیر پئشین
بیزلره بوی دئیرسن
دوشمانلارا اییرسن؟؟!!
جانیم دئسین سیزلره ، گل زامان گئت زامان گئچسین بو گون لرآمان ،
ائله بیل فیرلاندی – فیرلاندی یئنه ده سیرا منه چاتدی. به ایندی دینله منیم ناغیلیمی!!!نه دئمیش لر آتالار, نور ایچینده یاتالار ,هن اوغول بالا ، سایمادیغین دئشیک دن تولکو چیخارمیش دئمیش لر!!
او قدیم قدیم لرده بیر کتده قوجا بئلی بوکولموش بیر آزدا ال آیاغی یئکه کیشی وارایمیش، یازیق ایش گوج بیلمز میش، چالیشاندا ال آیاغی دولاشارمیش هر ایشی کورلارمیش او اوزدن ایشی پئشه سی یول قیراغیندا اوتوروب گلیب گئدن ده ن منی گؤتورون ، منی آپارین،منی گتیرین ایسته یی اولارمیش، نئیله سین یازیق اونودا دوشونمک لازیم!!گون لرین بیر گونون ده اوتوروب گونش لنیردی کی اوزاق دان گنج بیری سینین گلمه سینی گؤردو.هن بو گونکو گونومون ده روزی سی یئتیشدی دیه سئویندی.البته راحات سیز اولماساز ، دوزدو محرم نامحرم دئیب لر آمما دیلیم بئله دولانیرمنیم ده نئیله ییم ، قوی دئییم دا کیم کیمه دی، قورخما هئچ یئره توخونماز، جانیمین ایچچچچچچچچچچچچی ، بوراسینی یاخشی دینله لاپ سنه عایید دی !! اورادا قالدیق کی گنج یاخینلاشدیغی آن ، آی اوغول کندین ایچینه گئدجم آمما آیاغلاریمین طاقتی یوخ منی ده چینینه آلیب گؤتوره بیلسن ثواب ائدرسن آللاه سن ده ن راضی اولسون ، آللاه… دئدی قوجا. گنج بیر دوشوندو ، هن منه ده یاخشی اولار یولو بیلمیره م ، یول گؤسترنیم ده اولار دئدی ، کیشینی کوره یینه آلیب یولا دوشدولر.آز گئتدی اوز گئتدی دره تپه یه دوز گئتدیفیکیر لشدی اؤزویله باخدی گرچک گؤزویلهیولدا دوشونره ک نه زامانا قده ربونا اونا باخاجام ، یامان گونون عومرو آز اولارمیش دئدی، منیم ده بیر خئیریم وارمیش به!! بیر بئله ایلی بوش کئچیرمیشم دئمک . آللاه هر نه ای حساب لا وئرمیش ، بو یئکه اوزون ال آیاغین دا بیر خئیری وارمیش، آللاهی تانیمایانا نهلت!!!هن بالا نهلت دئیک بیزده، ثواب اولسون!! دور گؤروم هاردایدیم ، ناغیلین اوجو الیمده ن چیخدی، دیلینه گؤره بیر دیلچه یین اولسون باری آی بالا… أن آزی سن خاطیرلات منه . اولسون سنده ن منه یار اولماز اؤزومه بئل باغلامالی.بلی - یئتیشدیک لرینده گنج بو دا کند ، دده هاراسیندا ایسترسن سنی اورا قویوم دئدی، قوجا، اوغول آجام بیر شئی لرده آلیب آتیشدیراق سونرا ، آی خئییر گؤرسن دئدی.داداندیردیق دولمایا اولسون!!!! اؤیردریک ، اولمایابلی همشهری!! بو مینمه او مینمه اولدو کی داها ائنیشی اولمادی . نه قوجا ائندی نه ده گنج ائندیره بیلدی، انگل اولدو گنجین یاشامیندا.
سؤزو آغیز اؤتورر
سؤز صاحابی گؤتورر
بیزده دئدیک بو سؤزو
بیلر آرخاداش اؤزو
بیر چوخ ناغیل لار قدیم ده قالسالاردا بیر چوخونون هله ده دوامی وار بیزیم یاشام دا آمما بیز اونلاری هئچ ده گؤره بیلمیریک .آمما اونوتماین آ دوسلار کی :کسر دؤنر ساپ دؤنر گون گلر حساب دؤنر!!!
بودا اوچونجو ناغیل
وئرمه یین منه عاغیل
دؤردونجوسو یولدادی
دیکتاتورلارگوردادی